Komîteya Rayberdişî ya PKKyî bi wesîleya serrgêra Hemleya 15ê Tebaxe eşkerayîyêka nuştekî weşanaye. Eşkerayîye wina ya:

''Ma serrgêra 37. ya Hemleya Gerîlayan a Şorişgêre ya 15ê Tebaa 1984î de yê. Ma sey şarê kurdî û Têgêrayîşê Azadîye yê Kurdîstanî 37 serrî yo vera sîyaset û hişmendîya qirker, kolonyalîst û faşîste bi hawayêkê bêmabênî şerê azadîye kenê. Mîyanê 37 serranê peyênan de ma her çîyî serê bingeyê nê Xoverdayîşê Çêrî yê Neteweyî de vistî destî. No têkoşîno fîraz serkêşîya Rayber Apoyî û şehîdan de yeno kerdene û ewro tesîrê pêro Rojhelatê Mîyanênî û dinya keno. 

Nê esasî ser o ma Hemleya 15ê Tebaxe selam kenê ke 37 serrî yo rayberîya partîya ma de dewam kena. Roşanê Gandarbîyayîşî yo Neteweyî yê 15ê Tebaxe Rayber Apo, embazanê pêroyînan, hêzanê ma yê gerîlayan, dostanê şorişgêran û demokratan rê fîraz kenê. şexsê Embaz Egîdî de ke fermandarê na hemle bi, şexsê şehîdanê 15ê Tebaxe Zekî Şengalî, Atakan Mahîr û Egîd Garzan de ma pêro şehîdanê xo bi rêzdarî û minetî yad kenê. Nê esasî ser o ma vanê ke serra 38. ya têkoşînî de ma do zêdêr bi xurtî şer bikerê û ser bikewê.

Seke zanîyeno Hemleya Gerîlayan a Şorişgêre 15ê Tebaxa 1984î de Dih û Şemzînan de pê çalakîyanê gerîlayan dest pêkerd. Hîkayeya azadîye ya ke 37 serrî verî Dih û Şemzînan de ameye nuştene  rixmê astengîyan zî pîl bîye û vurîyaye arêyê azadîye, tesîrê Kurdîstan, Tirkîya, Rojhelatê Mîyanênî û dinya kerd. No adirê demokrasî û azadîye xera Modernîteya Demokratîke ya Rayber Apoyî de herême û dinya roşnî keno, beno hêvîya cuya azade ya merdimîye. Mîyanê atmosferêkê tarî yê nêmseserre de hişmendîya Apogîre ser kewte.

Ma hol zanenê ke mîyanê 37 serranê peyênan de her çi binheyê Hemleya 15ê Tebaxe de ameyî destvistene. Na hemle çêrîya Xoverdayîşê Zîndanan ê 1982î rena koy û gerîlayan. Na hemle ra nêbîyêne ewro kurd û Kurdîstanî nêbîyêne, teda û zulmî, nakokî, teslîmîyet, îxanet her ca de bibîyêne. Hemleya 15ê Tebaxe sey hîkayeyêka azadîye aver şîye û têkoşînê 37 serran vet werte.

Kurdîstan pê Hemleya 15ê Tebaxe beriqîya. Kurdan bingeyê Hemleya 15ê Tebaxe de her çîyê azadîye vist dest. Raştîya Rayberîye û Şehîdan bingeyê na hemle de virazîyaye. Şarê ma û erdê Kurdîstanî nê bingeyê xopawitiş û qesasî ser o bîyî wayîrê hêzê xopawitişî. Şorişê Azadîye yê Cinîyan nê bingeyî ser o vejîya werte. Nê bingeyî ser o şaşîtîyî ameyî sereraştkerdene, kurdî serkêşîya Rayber Apoyî de sey şarêkê azadî dinya de newe ra gandar bîyî, bîyî wayîrê hişmendîya raştî, resayî a aste ke Şorişê Heqîqatî bikerê.

Bêguman Hemleya 15ê Tebaxe seba kurdan bîye têgêrayîşêkê roşnvîrî û azadîye. Seba Tirkîya û rojhelatê Mîyanêbî bîye têgêrayîşê roşnvîrî û demokratîkî.  Têkoşînê 37 serran rîyê Tirkîya û Rojhelatê Mîyanênî vurna. Hişmendîya faşîste ya tirkan derbe kerde. 

Nê pêro serebûtî ewro zî qewimîyenê. Hêzê ma yê gerîlayan Metîna, Zap, Avaşîn de, koyanê Kurdîstanî û Tirkîya de,  pê ruhê Hemleya 15ê Tebaxe têkoşîn kenê. Her ke gerîlayî danê piro, şarê ma û hêzê demokratîkî zêdêr wurzenê payan ser, hemleyêka azadîye faşîzmê AKP-MHPyî rijnenê. Her ke gerîlayî danê piro maskeya şerê taybetî yê AKP-MHPyî kewena war. Faşîzmê AKP-MHPyî ver bi rijîyayîşî şino.

Semedo ke faşîzmê AKP-MHPyî har bîyo teda şuxilneno. Kurdîstan û Tirkîya talan û wêran keno, qirkerdiş, hêrişanê nîjadperestan keno. Pê tepişîyayîşê cinî, ciwan, sîyasetmedaran xîret keno ke emrê xo derg bikero. Eşkera yo ke o ho rijîyeno.  Coka ganî AKP-MHPyî rê firsend nêro dayene. Ganî pê hîşmendî û rêxistinîya antî-faşîste her ca de tira hesabê qirkerdişanê ci bêro persayene.

Eşkera yo ke serkêşîya partîya ma û têkoşînê azadîye de şarê ma û gerîlayê ma yê çêrî serra 38. a Hemleya 15ê Tebaxe de seta Rayberîye û Şehîdan de dewam kenê. Serra 38. a Hemle do biba serra xurtkerdişê şerî û destvistişê serkewtişê pîlî. Têgêrayîşê ma do pê pêro hêzê xo çarçewa Hemleya Wextê Azadîye de seba destvistişê azadîye bişuxilno. Ma do bê esasî ser o sîstemê neteweyî-demokratîkî biafernê, Tirkîya û Rojhelatê Mîyanênî qetî demokratîk bikerê. Ma venga şarê xo yê welatperwerî, dostanê xo yê şorişgêr-demokratîkan danê ke têkoşînê demokrasî û azadîye her ca de xurt bikerê!