Komîteya Paştdayîşê Keyeyanê Şehîdan a PKKyî da eşnawitene ke Dr. Huseyîn Akdag ( Selman Bozkur) 5ê hezîrana 2021î de Herêmanê Pawitişî yê Medya de tewrê kerwanê şehîdan bîyo.

Eşkerayîye de nê ameyî vatene:

''Têkoşînê ma yo ke 50 serrî yo bi rayraşîyayîşê Rayberîye aver şino, ewro Zap, Avaşîn û Metîna de bi têtkoşînê tarîxî yê gerîlayanê ma yê qehremanan kewto merheleyêka tarîxîye. Dewleta tirke ya îşxalkera ke nêeşkena têkoşînê Gerîlayanê Azadîye yê Kurdîstanî bişikino çekanê kîmyewîyan şuxulnena. Şehîdê ma yê bêmergî bi şehadetanê xo beranê sibayanê azadan akenê. Ma şehîdanê xo rê zaf çî deyndar ê. Ma do rayîrê şehîdanê xo yê qehremanan de ser bikewê.

Hemrayê ma Huseyîn Akdag (Selman Bozkur)  zî 5ê hezîrana 2021î de hêrişê hewayî yê artêşa tirke yê vera Herêmanê Pawitişî yê Medya de tewrê kerwanê nê şehîdanê bêmergan bi. Serrgêra şehadetê ci de ma ey bi hurmet yad kenê û keyeyê Bozkurî yê erjîyayeyî û şarê xo yê welatperwerî rê serweşîye wazenê.

Hemrayê Huseyîn Akdag 1972 de qezaya Hezoyî ya Êlihî de yeno dinya û bi kulturê welatperwerîye beno pîl. Merdimê ey ke mîyanê refanê têkoşînî de yê û şehîd bîyî est ê. Gama ke 1992 de Unîversîteya Dîcle de Fakulteya Tipî waneno, tewro têkoşî beno. Heta 1995î xebatanê cepheyî keno. Metropolanê Tirkîya de xebatanê rêxistinkerdişî de ca geno û rayîrê azadîye de sey dervîşêkî têgêreno. 1996 de warê rayberîye de tewrê perwerdeyî beno. Dima ra Zap, Garê, Zagros, Xinêre û waranê Başûrî de gerîlatîye keno û beno endamanê erjîyayeyan ê  têkoşînê azadîye yê Kurdîstanî ra yew. Hemrayê ma Huseyînî ke heme wezîfeyê xo bi serkewtişî ardî ca, xo ya dima ma rê mîrasê têkoşînî verda.

Nasnameyê Şehîd Selman Bozkurî wina yo:

Nameyê Qodî: Dr. Huseyîn Akdag

Name û Peyname: Selman Bozkur

Cayê Bîyayîşî: Hezo, 21.12.1972

Maye-Pî: Bedrîye - M. Cesim

Tarîx û Cayê Tewrbîyayîşî: Amed / 1992

Tarîx û Cayê Şehadetî: 5ê Hezîrana 2021î/ Herêma Pawitişî yê Medya