Komîteya Paştdayîşê Keyayanê Şehîdan a PKKyî da zanayene ke Bêrîtan Hêvî Rohan (Selda Sumbul) û Çekdar Melekî (Dirbas Altintaş) 13ê sibata 2017î de Herêmanê Pawitişî yê Medya de hêrişêkê hewayî yê dewleta tirke de şehîd bîyî.

Mesajê Komîteya Paştdayîşê Keyayanê Şehîdan a PKKyî wina yo:

''Hêverî ma şima rê selam kenê. Ma sey Têgêrayîş şima rê serweşîye wazenê. Ma şima ra ûzrê xo wazenê ke tay sebeban ra xebera şehadetê domananê şima kewta erey. Domanê şima Çekdar û Bêrîtane heta hêla xo ya peyêne têkoşînê azadîye de bîyî wayîrê tewirêkî, pêro prosesan de ca girewt û serra 2017î de Herêmanê Pawitişî yê Medya de embazanê xo rê erjê bêhempayî verdayî û tewrê karwanê şehîdan bîyî.

Domananê şima pê têkoşînê xo erjê şarê kurdî zêdînayî û estbîyayîşê xo seba şarê kurdî kerd sîper. Ma sey Têgêrayîş esasanê şehîdan ser o her roje nêzdîyê welatê azadî benê. Adirê şehîdanê ma beno berz û hasmênê welatê ma keno roşnî. Şexsê embazan Bêrîtane û Çekdarî de ma nê şehîdan zî bi mînetî yad kenê.

Embazanê ma yê bêmergan Bêrîtane û Çekdarî tim cepheyê verênî yê têkoşînî de ca girewt û bîyî tersê dişmenan. Pê embazîya xo bîyî mîsalê fedakarîye. Her di embazanê ma zî rixmê zehmetîyan zî tewirê xo ra tawîzêk nêda. Her di embazanê ma pê çêrîyêka pîle cayê xo yê têkoşînî pê ruhê milîtananê Apoyî feth kerdî û berpirsîyarîyê xo yê milîtananê Apoyî ardî ca. Ma sey embazanê înan deyndarê ci yê û teqîbkerdoxê mîrasê înan ê.

Ma soz danê înan ke heta ke ma welatê xo azad nêkerê nêvinderê. Ma do seba armancanê xo têkoşîn bikerê û her wextî ra zêdêr xeyalanê şehîdanê xo bikerê mende. Nê esasî ser o ma reyna vanê ke sereyê şima, sereyê ma weş bo. ''

Nasnameyê di gerîlayan wina yê:

Nameyê Qodî: Bêrîtan Hêvî Rohan

Name û Peyname: Selda Sumbul

Maye-Pî: Besra- Sellahdîn

Tarîxê Şehadetî: 13ê Sibata 2017î

***

Nameyê Qodî: Çekdar Melek

Name û Peyname: Dirbas Altintaş

Maye-Pî: Fatma-Ahmet

Tarîxê Şehadetî: 13ê Sibata 2017î