Kuçeyê Amedî yê Êlih de seba ke hemwelîyêk vera kontrolkerdişê polîsanê sivîlan nêrazîbîyayîş ramot bi derbkerdişî ame destbendkerdene.

Dîmenê îşkenceyê polîsan medyaya sosyale de vila bîye. Goreyê şahîdan polîsanê sivîlan nasnameyê xo ranomojna û waşt ke hemweletîyo ke maske pa nêkerda ci rê caza binusê. Seba ke hemwelatîyî no qebul nêkerd înan o bi derbkerdişî destbend kerd. Şahîdan bi telefonî hêrişê polîsan qeyd kerd. Dîmen de yeno vînayene ke polîsan ra yewî keso ke nameyê ci nîno zanayene peyra tepişto û wazeno ke ey bierzo erd û polîso bîn zî kelemçe keno pa û qîreno ser û vano 'eke polîsan nasname waşt ti mecburî ke ramojnî'. Keso ke raştê hêrişê polîsan ameyo o zî vera tewirê înan hêrsê xo ano ziwan û vano ke şima ganî sey merdimî nasnameyê mi biawezî û vera kelemçe destbendkerdişî nêrazîbîyayîş ramojneno.

Dorme ra hemwelatiyê ke wazenê bikewê binate vanê Aşma Remezanî de wina mekerê guneyo polîso hêrişkar vano 'ma de Remezan çîn o'.