PZK: Qeyûm dişmenîya kurdkî keno

Platformê Ziwanê Kurdkî (PZK) ard ziwan ke qeyûmo talanker ê Êlihî dişmenîya ziwanê kurdkî keno.

Qeyûmê talankerî yê Şaredarîya Êlihî îkonê kurdkî yê ke rayîran de seba raywanan ameybî nuştene, wedaritî. Platformê Zîwanê Kurdkî (PZK) derheqê babete de eşkerayîyêke weşanaye.

Eşkerayîye de ame parekerdene ke qeyûm kerdişanê keyfî û bêhuqûqan keno. PZKyî îfade kerd ke talankerî dişmenîya ziwanê kurdkî kenê. Eşkerayîye de ame vîrvistene ke qeyûmê Êlihî verê cû zî kurdkî leyepelê fermîyî yê şaredarîye ra wedaritbi, xebatkarê kurdkî karî ra vetbî û nuşteyê kurdkî wedaritbî.

PZKyî da zanayene ke pê astengkerdişê ziwanê kurdî krîzê nikayênî do giranêr bibê. PZKyî vat: ''Ganî ziwanê kurdkî ra hûrmet bêro mojnayene. Wa cade kurdkî biba wayîra statuyêkî, ziwanê perwerdeyî û biba ziwanêko fermî.''

 

Halo verên kurdkî û tirkî

 

Halo peyên têna tirkî