Qedexeyê vera kincanê neteweyîyan
Akîf Coşkuno ke Wan de maneno, di mengî verî keyeyê xo yê teberê welatî rê kincê kurdan ê neteweyîyî şawitî. La kincî bi sebebê 'çîyê şikdar ê' nêresayî adresî. Coşkunî vera ney nêrazîbîyayîşê xo mojna.
Akîf Coşkuno ke Wan de maneno, di mengî verî keyeyê xo yê teberê welatî rê kincê kurdan ê neteweyîyî şawitî. La kincî bi sebebê 'çîyê şikdar ê' nêresayî adresî. Coşkunî vera ney nêrazîbîyayîşê xo mojna.
Akîf Coşkuno ke Wan de maneno, di mengî verî keyeyê xo yê teberê welatî rê, 30ê teşrîna verêne de kincê kurdan ê neteweyîyî şawitî. Coşkuno ke paketa kincan şawita Avusturya, 25 rojan ra dima PTTyî rê ci rê mesajêk ame. Mesaj de wina ameyo vatene: ''Destûr nêdîya ke kargoyê şima do bikewo zereyê welatî.''
Merdimanê Coşkunî Avusturya de muracatê selahîyetdaranê herêmîyan kerd. La selahîyetdaran înan rê vat ke kargoyo winayên qetî nêresayo destê înan.
Akîf Coşkunî ajansê ma rê babete ser o qisey kerd û vat: ''Mesajê PTTyî de ameyêne vatene ke kargo hetê gumrukî ra ameyo astengkerdene. Mi waşt ke tîya ra PTTyî ra agahîyan bigêra la mi netîce nêgirewte. Hema zî kincî îadeyê mi nêameyî kerdene. Mi teyna kincî şawitî. No feraset wina yo ke tehamulê kincanê kurdan zî nêkeno.''