Serkêşîya Meclîsê Şarî yê Binarê Qendîlî de dewa Sînamoka de semedê yadkerdişê şehîdanê Kurdîstanî mewlid ame dayene. Biseyan kesî tewrê mewlidî bîyî. Mewlid de ame vengdayene ke wa semedê azadîya fîzîkîye ya Rayberê Şarê Kurdî Abdullah Ocalanî têkoşîn bêro xurkterdene.

Aktîvîte de vera tecrîdê serê serê Abdullah Ocalanî di cayan de eşkerayîye ameye dayene. Eşkerayîye de wina ame vatene:

''Rayber Apoyo ke 15ê Sibata 1999î  de bi komployê mîyanneteweyî ame esîrgirewtene, a roje ran ata Îmrali de binê îşkence û tecrîdê girdî de yeno tepiştene. Wazenê ke Rayber Apoyî şarî ra raqilnê. Bi tecrîdê serê Rayber Apoyî wazenê kurdan û Kurdîstanî tecrîd bikerê û qirkerdişê vera kurdan temam bikerê.

Ganî ma pêro şerê Îmraliyî û xoverdayîşê Rayber Apoyî bivînê. Ganî ma têkoşînê azadîye yê Rayber Apoyî xurtêr bikerê. Ma sey şarê Qendîlî xoverdayîşê Rayber Apoyî bimbarek vînenê. No xoverdayîş do qederê ma kurdan bibedilno û Kurdîstanî bikero azad. Ma reyna tecrîdî şermezar kenê û vanê ke ma do têkoşînî xurtêr bikerê.''