Nê krîzê ekonomîkî yê Tirkîya û Vakurê Kurdîstanî de Wan de qeyûmî bi îmkananê şaredarîye 9 menganê 2023yî de 70 hezar terefgîrê AKP û MHPyî çarnayî.

Tewr peyên Serekîya Dayîreyê Karanê Nuşteyî ya Şaredarîya Wanî roja şemeyî tewr tay 50 kesî seba gêrayîşî berdî Sêrtî. Budçeya gêrayîş û werdî zî şaredarîye daye. 

Baska Cinîyan a Wanî ya AKP û MHPyî zî no hewte şîye gêrayîşê Dengizê Reşî. Pereyê nê gêrayîşî zî budçeya şaredarîye ra ame dayene. 

2023 de 70 hezar kesî pê budçeya şaredarîye ameyî çarnayene. Malîyetê yew otobusa gêrayîşî tewr tay 250 hezar lîra yo. Belgeyê na rewşe zî çend rojî verî bi kamyonan ameyî berdene û îmhakerdene.