Dima ke Şaredarîya Colemêrgî hetê qeyûmî ra ame xespkerdene şaristanê bi nifusê 300 hezarî bêawe mend. Şaristan de xeylêk taxan de awe çin a. Tay dtaxan de awe esta la awa nê taxan herimnaye û pîs a.

Colemêrg de ke bi çimeyanê xo yê awe namdar o, şar nêeşkeno awa pake bivîno. Wareyanê Berçelan û Mergabutan de awa pake esta. Wextê îdareyê HDPyî de awe kirişîyabî heta taxanê Colemêrgî la qeyûm awa wareyî zî bêtesîr kerde. 

Yeno îfadekerdene tay cayan de zî awa çirike û awa kanalîzasyonî benê têmîyan. Şarê Colemêrgî vera qeyûmî nêrazîbîyayîşê xo mojneno. Roniştoxanê taxa Sumbule da zanayene ke ê nêeşkenê awa pake bivisnê destî. Ahmet B.yî ard ziwan ke semedê bêawe ra ê wetî ra awe anê keyeyanê xo. Ahmet B.yî vat: ''Na rewşe bi mengan o ke dewam kena. Ma pê qeyûmî hêvîdar nîyê. Nê wextê janî de ma nêeşkenê awe bivînê.''