Silêman Ozmeno 63 serre 40 serrî verî neçare mend ke dewa xo biterikno. Ozmen agêra dewa xo Kfernasî ya qezaya Mîdyadî ya Mêrdînî û keyeyê xo kerd newe.

Hewteyê vîyarteyî de 6 qoricîyan hêrişê Ozmenî kerd. Qoricîyî pê kepçe şîyî dewe û înan waşt ke wa Ozmen dewe ra şoro. Ozmenî vat o do gerreyê înan bikerê û qoricîyan zî dima ke vat 'ma dewlet ê' pê çeke da sereyê Ozmenî ro.

Ozmenî Ajansê Mezopotamya rê wina qisey kerd: ''Ez ha kena ke abigêrê erdê xo. La tay kesî qoricîyan zî gênê xo hetî û nêverdenê ez debikewa dewe. Vanê cayê ma dewe de çin o. Tapuyê ma estê. Ma wazenê keyeyanê xo newe bikerê û tede ca bibê. La ê nêverdenê.''

Ozmenî hêrişan ra semed neçare mend ke dewe ra vejîyo û waşt ke rayaumûmîye paştî bida ci.