Qoricîyî dewa Xelîkanî ya qezaya Hawêlî ya Sêrtî de paştdayîşê dewleta tikre daran birnenê.

Goreyê xebera Jinnewsî dewa  Xelîkanî ya qezaya Hawêlî ya Sêrtî de şewato ke 14ê tebaxe de dest pêkerd û di rojî dewam kerd, xo bi xo şi hewna.

Goreyê zanayîşê ke dewijan ra ameyî girewtene ekîbê ke semedê hewnakerdişê şewatî dewe seba ke rayîr çîn o, mudaxaleyê şewatî nêkerd. Dewijan vat şewat yew roje dewam kerd û xo bi xo şi hewna û newera vejîya û warê hîrayî ra vila bi.

Ame musayene ke herême şewatî hetê dewlete ra sey herêma qedexe ameya îlankerdene. Sebebê şewatî zelal nêbi la dîmenan de yeno vînayene ke tay cayî sey guzergahê xezkerdeyî vêşayî.

Hetê bînî ra qoricîyan ke Qeraqolê Zîyaretî ra destûr girewt, dormeyê dewa Xelîkanî de daran birnenê.