Merkezê Îrtîbatî û Çapemenîye yê QSDyî bîlançoya şerî ya 24 saetanê peyênan eşkera kerde.

QSDyî vat: ‘’Hêzanê ma Pirdê Qereqozaxî de çalakîyê bitesîrî kerdî. Çarçewa çalakîyan de baregeh û komê çeteyan dîyayî piro la hûmara kişteyan nêameye zelalkerdene.

Dormeyê Kobanê û Pirdê Qereqozaxî de dewê Melha, Tîna, Xeseq û Meydanê Teyarayan ê Sirrînî dîyayî bombayan ver. Heman wextî de dewê Tîne, Cada, Bîr Hiso, Dîkan, Melha, Qereqozax û Girê Sivê dîyayî bombayan ver.

Awbendê Tişrînî û dormeyê ci zî bêmabên dîyayî bombayan ver. Dewanê Tişrînî de zî hêzanê ma da îşxalkeran ro. Hûmara kişteyan û birîndaran nêameye zelalkerdene.

Yewinanê Şehîd Harunî da noqtaya îşxalkeran ro û tîya de 2 çeteyî kişîyayî, 6 çeteyî zî birîndar bîyî.

Dewa Şêx Ubeydî dîyaye bombayan ver û tîya de 2 dronê kamîkaze ameyî warvistene.

Dewa Şiyûxa Jorîne û şîrketa awe dîyayî bombayan ver. Şîrkete de zeraro madî qewimîya.’’