Seba azadîya Rayberê Şarê Kurdî Abdullah Ocalanî û çareserîya meseleya kurdan di baskan ra Rayraşîyayîşê Azadîye yo Pîl yeno kerdene. Baska Qersî ya 'Rayraşîyayîşê Azadîye yê Pîlî' roja 6ine de resaye qezaya Qereçobanî ya Erziromî. Şarî bi coşî raywanî pêşwzî kerdî. 

Merkezê qeza de Şêx Seîd ame yadkerdene.

Wekîla DEM Partî Zeynepe Oduncu meydanê qeza de vat: ''Ma her ca de bi coşî yenê pêşwazîkerdene. Ma nika qezaya Şêx Seîdî de yê. Coka no rayraşîyayîş manadar o. Heta ke birêz Ocalan azad bibo rayraşîyayîşê ma do dewam bikero.''

Endamê DÎKî Mahmut Tanişî zî îfade kerd ke Abdullah Ocala zî sey Şêx Seîdî raştê îxanet û esaretî ameyo û vat: ''Ganî ma rayîrê Şêx Seîd, Qazî Mihemed û Ocalanî ra nêvejîyê. Ma kurd ê, welatê ma zî Kurdîstan o.''

Raywanî ver bi ezaya Gimgimî ya Mûşî kewtî rayîr.