Rayraşîyayîşê Demokrasîyî yê HDPyî yo ke Colemêrg û Edîrne ra ver bi Anqara dest pêkerd, dewam keno. Heyet resa Amed. Girse pê sloganan, çepikan û govendan ame pêşwazîkerdene. Dekewtişê şaristanî de şar pê çepikan selam da konvoy. 

Şarî reyde Hemsereka Kongreya Komelê Demokratîkî (KCD) Leyla Guven û Bedran Ozturk verê bîna de heyet pêşwazî kerd. Şarî zî pê slogananê 'Xoverdayîş cu yo, HDP şar o şar tîya de yo, biciwîyo xoverdayîşê HDPyî' heyet pêşwazî kerd.

Hemvervatoxê KCDyî Saadete Şenoglu selam da şarê Amedî û pare kerd ke her ca de rayraşîyayîşê înan yeno astengkerdene. Saadete vat: ''No rayraşîyayîş do ma biresno hêvî û serkewtiş. Ma sereyê xo verê hêrişanê vera îradeyê şarê kurdî do nêarê war. Pêro weçînayeyê ma yê tepişteyî zîndanî ra paytextê xoverdayîşî Amedî rê selam kenê.''

Hemserekê KCDyî Bedran Ozturkî zî ard ziwan ke ganî her kes wayîrê nê rayraşîyayîşî bivejîyo. Bedranî hêrişê Mexmûrî şermezar kerd û vist vîrî ke hêrişê ke yenê kerdene vera destkewteyanê kurdan ê. Bedranî vat: ''Seba ke sey Rojawan her parçe de yewîye bêra caardene ma xebata xo dewam bikerê.''

Eşkerayîye pê govendan qedîyaye.