Rayraşîyayîşê ciwanan ê ver bi Zînî Wertê hetê hêzanê asayîşî yê YNKyî ra ame atengkerdene. Ciwnan seba 45 deqayan çalakîya roniştişî viraşte û dima ra eşkerayîyêke daye û nê vatî:

Rayberîya Înîsîyatîfê Ciwanan ê Başûrê Kurdîstanî raraşîyayîşo derg ê ver bi Zînî Wertê dewam keno. Herêma Serkebkanî ya Zînî Wertê de dormeyê çalakwanan hetê endamanê asayîşî û polîsan ra ame girewtene û ame vatene ke talîmatê vergirewtişê rayraşîyayşî esto. Polîsan ard ziwna ke ê semedê asayîşê ciwanan  destur nêdanê vera naye ciwanan nêrazîbîyayîş ramot  vat ma berpirsîyarîye gênê xo ser. Ciwanan çalakîya roniştişî kerde û vat: ''No rayraşîyayîşê yewîya neteweyîye yo.  Vergirewtişê ci astengkerdişê yewîya neteweyîye yo. YNK qey destur nêdano tirê engişta înan kompoloya Zînî Wertê de esta?''