Înîsîyatîfê Ciwananê Başûrê Kurdîstanî  dabi zanayene ke vera hêrişanê dewleta tirke û alozîya Zînî Wertê ya ke pê sewqîyatê leşkerî yê PDKyî dest pêkerd, biqedîya pê watişê yewîya neteweyîye 16ê nîsane de Ranya ra ver bi Zînî Wertê şorê.

Rayraşîyayîş roja şemeyî saete 10:00 de verê Zanîngehê Ranya de dest pêbikero û xeylêk şaristananê Başûrî ra ciwanî do tewrê rayraşîyayîşê dergî bibê. Rêxistinê komelê sivîlî, rêxistinê ciwanan, komeleyê wendekaran, hunermend û temsîlkarê partîyan zî do tewrê rayraşîyayîşî bibê.

La înîsîyatîfî pare kerd ke ê do pê hûmarêka sembolîke dest ê rayraşîyayîşî bikerê û dima girseyî do tewrê rayraşîyayîşî bibê.

Rayraşîyayîşî de Ala Rengîne do bêra kiriştene û çalakîkerî tîşortê sipî yo ke serê ci de ''Hînî Bes o'' nusîyeno do xo rê bidê.