Şaredarê verênî yê Cenevre Remy Paganiyo ke çepgîro radîkal o Heyetê Haştîye reyde şibi Hewlêr. 

Paganiyî eşkera kerd ke 10 serrî yo têkilîya ci yê bi kurdan zêdîyaye û vat: ''Ez ewro ameya tîya çunke vera Erdoganî bêvengîyêka pîle esta. No şerêko heqdar nîyo. Huqûqê mîyanneteweyî de qet yew bahaneya ci çin a. Tirkîya do Dengizê Sipî de zî heman çîyan bikera.  Seba ke ez kurdan rê vaja 'Pîya ronişê û nîqaşanê xo bikerê' ameya tîya.''

Paganiyî derheqê hêrişanê îşxalî yê dewleta tirke de wina vat: ''Ez verî vaja ez vera qanûnanê zorbazan a,  terefgîrê huqûqî ya. Goreyê huqûqî ganî Erdoan goreyê sînoranê komelê mîyanneteweyî tênigêra. Seba ke komelê mîyanneteweyî de bêro qebulkerdene ganî Tirkîya xo Başûrî ra bianca.''

Paganiyî da zanayene ke balkêş o ke NATO û Ewropa vera na rewşe çîyêkî nêvanê.