Grevê vêşanîyê yo ke rayberîya temsîlkarîya HDP’yî ya Başûrê Kurdistanî de seba wedartişê tecrîdê serê Rayberê Şarê Kurdî Abdullah Ocalanî ameyebî destpêkerdene roja 69ine de dewam kena.

Çalakwanan ewro eşkerayîyêk daye û dima ra zî  gruba 35’ine grevê vêşanîye dewr girewt.

Rewşa endamê HDP’yî Nasir Yagizî zî bena giran. Yagiz 69 rojî yo grevê vêşanîye yê bêdem û bêagêrayîşî de yo. Yagiz dir problemê weşîye yê sey dejayîşê serreyî, qelibayîşê zerreyî,  tansîyone estî û  zaf kîlo kerdo vîndî.

Temsîlkara HDP’yî Muzeyyen Guneşe vera bêvêngîya Ewropa reaksîyon ramot  û va : “Çalakîya ma ya grevê vêşanîye ya Hewlêrî dewam kena. Nasir Yagiz 69 rojî yo grevê vêşanîye de yo û rewşa ey giran bena. Seba wedartişê tecrîdî ganî rêxistinê mîyanneteweyîye çîyêk bikerê.”