Şaristanê Riha de her roje tewr tay testê vîrusê Korona yê 300-350 kesan sey pozîtîf vejîyena. Şaristan de pêro servîsê ciewnîyayîşê giranî pirr ê û cilê nêweşan hînî qîm nêkenê. Heyetê Weşîye yê Riha yo ke doneyanê vîrusî înî pare nêkeno, bêveng o. 

Serekê Odaya Tabîban a Riha Osman Yuksekyaylayî zî derheqê mesele de Ajansê Mezopotamya reyde qisey kerd. Yuksekyaylayî da zanayene ke nêweşxaneyan de ca çin o coka hemwelatîyî muracatê ocaxanê weşîye kenê û nêweşîye şaristanî rê gefêkê pîlî wanena.

Yuksekyaylayî vat: ''Ganî dezgehê weşîye bêrê pêser û seba tedbîran venga şarî bidê. Hema seba Riha erey nîyo la nêweşîye asta tewr berze de ya. Ma sey oda daxîlê nê prosesî nêameyî kerdene. No xelat o. Şaristan de her roje waqayê nêweyî zêdîyenê.''