Dewleta tirke ya îşxalkere hîrê serrî yo vera xoverdayîşê gerîlayan nêeşkena Zap de aver şora. Labelê bi hemkarîya PDKyî dewleta tirke herême de hêzê xo cakerdî. Rixmê nêrazîbîyayîşan zî no kerdişê PDKyî dewam keno.
Goreyê agahîyanê ke ameyê destvistene hêzê PDKyî bi kepçeyan rayîrê koyî akenê û ver bi zereyê Zapî şinê.
Hêzanê PDKyî cepheyê başûrê Zapî de noqtayê leşkerîyî awan kerdî û ê xîret kenê ke rayîranê neweyan dewleta tirke yê îşxalkere rê virazê.
Dîmenan ra eşkera bi ke kepçeyê hêzanê PDKyî başûrê Zapî de rayîrî virazenê, noqtayanê cîyayan de cabenê û hêzêkê pîlî yê leşkerî herême de cakenê.
Hêzanê PDKyî 2yê tebaxe ra verî zî qezaya Amedîyê ya Başûrê Kurdîstanî de hêzêko pîl o leşkerî cakerdbi û tîya ra no hez derbazê waranê gerîlayan kerdbi.
Dewleta tirke ya îşxalkere hîrê serrî yo vera xoverdayîşê gerîlayan nêeşkena Zap de aver şora. Labelê bi hemkarîya PDKyî dewleta tirke herême de hêzê xo cakerdî. Rixmê nêrazîbîyayîşan zî no kerdişê PDKyî dewam keno. Goreyê agahîyan hêzê tirkî Zap de pê nasnameyê pêşmergeyan têgêrenê, qereqolanê Barzanîyan ra vejîyenê û hêrişê gerîlayan kenê.
29-30ê temmuze de PDKyî paştî dabi operasyonê dewleta tirke yê vera Warê Xoverdayîşî yê Girê Ortê. HPGyî eşkrayîya xo de dabi zanayene ke îşxalkerê ke nê warî de ameyê cezakerdene bi hetkarîya PDKyî herême de cabîyê.
HPGyî 30ê temmuze de eşkerayîya xo de wina vatbi: ''Artêşa tirke ya ke pê xoverdayîşê gerîlayan nêeşkaye bi hemkarîya PDKyî hêrişê Girê Ortê kerd û xîret kerd ke war de cabida xo.''
