Hêrişê dewleta tirke ya îşxalkere û çeteyanê ci 38 rojî yo vera Awbendê Tişrînî bêmabên dewam keno. Şervanê YPJ, YPG û QSDyî hêrişê çeteyan peyserqeldene. Şervananê YJPyî ke ajansê ma rê qisey kerd, vat Awbendê Tişrînî de xoverdayîşo tarîxî yeno dayene.

Şervana YPJyî ya kurde Berxwedane Qamşilo ard ziwan ke hêrişê dewleta tirke ya îşxalkere rojanê peyênen de dahîna zêdîyayî û nê vatî: ''Bi teyarayanê şerî, droneyanê çekdaran û çektanan giranan hêrişê xo giranêr kerdî. Rixmê tekînê berzî û hêrişanê giranan ameyî peyserqeldayene. Vera nê hêrişan xoverdayîşo tarîxî yeno dayene. Xeylê leşkeranê dewleta tirke û çeteyê ci merdî û birîndar bîyî. Reyna tayînan zî teçhîzatê xo caverda û remayî. Ma hêzê xo şarê xo ra genê. Şaran xo xeta Şerê Şarê Şorişgêrî de rêxistinke kerd. Şaro ke ame Awbendê Tişrînî moralo pîl da şervanan. Şarî bi xoverdayîşê xo wayîrê herra xo vejîyenê.''

Şervana YPJyî ya erebe Şîraze Nîdal zî bale ante xoverdayîşê şervananê QSD, YPJ û YPGyî ser û wina vat: ''Rixmê îmkananê ma yê kêman teçhîzato leşkerî yê dewleta tirke yê dewleta tirke nêeşkeno vera îdareyê ma ser bikewo. Rixmo ke hewa û erdî ra hêrişanê giranan kenê her hêrişî de poşman benê peyser remenê. Îradeyê ma, xoverdayîşê ma teknîkê înan ra berzêr o. Eke ê vanê qey bi teknîkê xo îradeyê ma şiknenê xeletîyenê. Ma tim xover da, ma do ewro ra tepîya zî xover bidê. Şar semedê pawitişê  awe, awbend û welatê xo ame Awbendê Tişrînî û tewrê xoverdayîşî bi, nê zaf moral da şervanan. Ma ewladê nê şarî yê. Ma ewladê nê şarê jîhatî yê. Coka ma do bi xoverdayîşî şer bikerê.''