Pîrozkerdişê Newroza Çewlîgî Taxa Sarayî de bi beşdarbayayîşê bi hezaran kesî dest pêkerd. Hunermendê ke seba tewrbîyayîşê pîrozkerdişî amayêne  bajar, bi keyfî  vernîya înan ameyî girwtene.

Hunermend Mizgîn Tahîr û gruba ci wexto ke seba pîrozkerdişî Amed ra ameyêne Çewlîg, nuqtaya kontrolkerdişî ya cenrdermanan ê qezaya Dara Hênî de ameyî vindernayene. Seba ke muzîsyen Bilind Şakîr “Sûrîye ra yo” 707 lîra cezaya pereyan ameye birnayene. Wesayîto ke hunermendî berêne Çewlîgî zî hezar û 450 cezaya pereyan ci rê ameye birnayene. Destûr nêame dayene ke wesayîto ke hunermendî û Bilind Şakir tede yo bikewo Çewlîg û ê apey şawitî Amed. Hunermend Mizgîn Tahîr zî bi wesayîtêkê bînî Dara Hênî ra şi Çewlîg.

Rixmê vergrewtişê polîsan, Newroza Çewlîgî bicoş dewam kena. Meydanê Newroze ra sloganê xoverdayîşî û tîlîlîyî benê berz.