Gerîlayê HPGyî Egîd Çîya gerîlayanê başûrijan ra bi. O wexto ke Cengê Heftanînî şer kerdêne şehîd bi. Çîyayî vatêne: ''Wayîro esil ê Heftanînî ma yê. Nê koyî yê şarê Kurdîstanî yê.''

Wexto mi fotografê ey dî mi vat: ''No, rîyo raştikên ê şarê Başûrî, raştîya ci ya, rîyê ci yo nimite yo.'' Çunke gerîla Egîd bi rîyo raştikên ê Başûrî Cengê Heftanînî. Bi nê rîyê xo ey vatêne xoverdayîş ganî sebî bibo, şarê Başûrî û erdê Başûrî benê hedef.

Ehmed Xelat Zaxo de bi qirîyayîşêkê dadîya ke hesreta azadîye bîye, ame dinya. Ciwanîya xo de pê hesîya de rayîrê verê ey rayîr nîyo. Dima bire daye ke verê xo bido koyan. Hêverî ame Heftanîn. Gerîla Agît Çîya Zaxo de bi pîl û 23ê tebaxa 2019î de rojanê verênan ê Cengê Heftanînî de artêşa tirke reyde ame têrî. Hînî o ne Agîr Çîya ne zî Ehmed Xelat bi. Hînî o rîyê qesasî yê Başûrî bi. Wexto ke dişmenî girêkê Heftanînî da bombayan ver embazanê ci Çîya rê vat ke wa uca ra bêro. La ey çeka xo girewte vejîya girî ser û vat: ''Wayîro esil ê Heftanînî ma yê. Nê koyî yê şarê Kurdîstanî yê. Îşxalkerî nêeşkenê bêrê tîya.'' Çîyayî guleyo verên wina eşt. Cengê Heftanînî de bi rîyê Başûrê Kurdîstanî.