Koyê Serdeştî yê Şingalî fermanê 3ê tebaxa 2014î ra dima seba roniştoxanê Şingali bi cayê pawitişî. Rixmê zor û zehmetîyan 6 serrî yo ke Serdeşt de cuye newe ra awan bîye. Roniştoxanê Serdeştî yê Şingalî qala roja xo ya rojane, zor û zehmetîyî kerdî.

Roniştoxan ra Mecîd Şemoyî derheqê cuya rojane ya herême de vat: ''Fermanî ra verî her kesî karê xo kerdêne, debarê xo kerdêne. Ma waşt ke şorê dewa xo la seba ke dewe de kes çin o ma nêeşkenê şorê ci. Korona ra verî ma rê hetkarîye zî ameyêne kerdene la nika a zî çin a. Ma nika pê zîretî debarê xo kenê. Çend zehmet bo zî ma cuya xo ramenê.'' Mecîd Şemoyî venga şingalijan da ke abigêrê wareyanê xo.

Delîl Îsmaîlo 27 serre Kobanê ra yo û karê sondajî keno. Fermanê 2014î ra verî seba kênayîşê bîran ameyo Şingal û heta nika Şingal de zî xizmetê merdiman keno.

Delîl Îsmaîlî vat: ''Hewceyê şarî pê mi esto ke her ca zîl bibo. Çunke fermanî ra dima Şingal ziwa bi. Ez venga şingalijan danê ke wa abigêrê wareyanê xo ke teriknayî.''