Gerîlayê HPGyî Serhat Jêhatî derheqê Qirkerdişê Parisî de ANFyî rê qisey kerd.

Jêhatî bale ante ser ke şehadetê Sara, Rojbîne û Ronahîye tesîrêko pîl viraşto û vat: ''Embaze Sara (Sakîne Cansiz) ronayoxanê PKKyî ra yew bîye û a serkêşanê Dêrsimî ra bîye. Coka a ameya hedefkerdene.  Çunke a seba cinîyan ê kurdan çimeyê îlhamî bîye. Embaze Sara tedaya keyeyî û cuya klasîke red kerdî, tewra PKKyî bîye. Aye hetê Rayber Apoyî de têkoşîn kerd û seba azadîya cinîyan ê kurdan têkoşîn xurtêr kerd. Ewro no têkoşînê aye her cayê dinya ra vila beno.

Embaze Sara seba ma krîterê azadîye ya. Aye Zîndanê Dîyarbekîrî de bi xoverdayîşê xo vatbi 'ya cuyêka azade yan zî heta peynî xoverdayîşî.' Aye teslîmîyet red kerd. Embaze Sara bi nê ruhî ciwîyaye. Ruhê xoverdayîşî yê embaze Sara nika tunelanê şerî de hetê embazanê ma yê cinîyan de yo. Sey şagîrtanê aye ma do heta peynî têkoşînê embaze Sara pîl bikerê û wayîrê şehîdan vejîyê. Ma soz danê ke qesasê aye bigêrê.''