Fermandar û gerîlayanê YJA-Starî Cengê Heftanînî ANFyî rê ercna.

Fermandare Şerda Mazlûm vat: ''Gerîlayê Heftanînî sereyê xo nêanê warî. Xoverdayîşê embaze Azîme Heftanîn de vejîya werte. Koyanê Heftanînî de têkoşînê hêzanê ma yê YJA-Starî seke binge û çime yo. No berhemo tarîxî yo. Her roje çalakîyê xoserî yenê kerdene, azadîye de israr esto. Raştîya xoverdayîşê embaze Zelale û embazanê bînan de eşkera bi ke gerîlayî do rayîr nêdê îşxalan. Ma do heta peynî Serekîye de israr bikerê û qet gamêke apey nêerzê. Îşxalê Kurdîstanî îşxalê cinîyan o. Ganî sere de cinî û ciwanî îşxalkerî qebul nêkerê. Qebulkerdişê îşxalî qebulkerdişê bêrûmetî yo. Gerîlayê YJA-starî bi çalakîyanê xo serkewtiş anê.''

Gerîlaya YJA-Starî Çîyajîne Cifeneyî vat: ''Heftanîn de xoverdayîşî reyde îradeyêko pîl vejîya were. Cinîyî pêro waran de rayberîye kenê. Nasname, îrade û fikrê cinîyan xeylêk destkewteyanê komelkîyan xo reyde awan kenê. Cengê Heftanînî cengê cinîyan o. ''

Fermandare Batufa Çekdar vat: ''Cengawerê Cengê Heftanînî vera îşxalan têkoşînêkê bêhempayî kenê. Xoverdayîş û têkoşînb asta tewr berze de yê. Coşê embazan çimanê înan ra aseno. Embazê ma seba serkewtişî isrardar ê. No erd erdê ma yo, rûmetê ma yo.''

Fermandare Hêjare Zozan vat: ''Nê operasyonî de dişmenî tewr zêdêr mewzîyê embazan hedef kerdî û hêrişê barbarî vistî verî. Gerîlayê cinîyî xeta embaze Zîlane de xeta fedayîtî xo rê kenê esas û vera îşxalkeran heta guleyê xo yê peyênî şer kenê. Embazê ma bi ruhê embaze Esmere, Amara û Zeryanan şer kenê.''

Gerîka Rosîda Botan vat: ''Ma vera îşxalî vindenê. Felsefeya Rayber Apoyî hêzêkê pîlî dana ma. Hêzê YJA-Starî bi îradeyêkê xurtî, bi tewirêkê xurtî ceng de xo mojnenê. Ma do qesasê embazanê xo bigêrê. Ma do nêverdê dişmen aver şoro. Hêzê ma derban danê dişmenî ro. Heftanîn warê cinîyan o.''

Gerîka Axîne Gabat vat: ''Cengê Heftanînî de rayberîya cinîyan kifş a. Seba azadîya Rayber Apoyî ma do heta peynî vera îşxalkeran têkoşîn bikerê. Embazê ma pêro waran de bi xûrtî wezîfe gênê û serkewtişanê pîlan anê. Ma do rayberîya cinîyan reyna mojnenê pêro dinya.''