Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:

''Hêzanê ma Warê Xoverdayîşî yê Girê Amedîyê û Sîda de vera leşkeranê tirkan ê îşxalkeran 4 çalakîyî kerdî. Artêşa îşxalkere Warê Xoverdayîşî 2 reyî pê çekanê kîmyewîyan, 12 reyî pê tayarayanê şerî, 24 reyî pê helîkopteranê hêrişî û bi desan reyî pê obus, tank û çekanê giranan dayî bombayan ver.

Detayî wina yê:

Çarçewa Hemleya  Şorişgêre ya Bazanê Zagrosî de herêma Zapî de;

3yê kanûne de Warê Xoverdayîşî yê Sîda de îşxalkerî hîrê reyî pê çekanê giranan ameyî derbkerdene.

Çarçewa Hemleya Şorişgêre ya Şehîd Savaş Maraşî ya Cengê Xabûrî de;

3yê kanûne de Warê Xoverdayîşî yê Girê Amedîyê de îşxalkerî pê çekanê ferdîyan ameyî derbkerdene.

3yê kanûne de Warê Xoverdayîşî yê Girê Amedîyê de Skorskyêk ame hedefkerdene. Mudaxeleyê hêzanê ma ra dima skorksy warî ra rema.

Hêrişê ke artêşa îşxalkere pê çekanê kîmyewîyan kerdê;

3yê kanûne de Warê Xoverdayîşî yê Çemçoyî de mewzîyê Şehîd Botanî 2 reyî dîyayî bombayan ver.

Hêrişê bînî yê artêşa îşxalkere;

2-3yê kanûne de warê Golka û Şêlazê yê Metîna, Warê Xoverdayîşî yê Çemçoyî; 3yê kanûne de Warê Xoverdayîşî yê Girê Amedîyê, Kurojahro, Çemço, Girê FMyî, Sîda û Saca dîyayî bombayan ver.''