Merkezê Îrtbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê vatî:

Herêma Şehîd Deîlî ya Rojhelatê Zapî;

 “3ê teşrîna verêne de Warê Xoverdayîşî yê Girê Amediyê de îşxalkerî pê çekanê giranan hîrê rey ameyî pirodayene, 2 mewzîyî ameyî derbkerdene. Na çalakîye hetê hêzanê ma yê YJA Starî ra ameyî kerdene. Reyna eynî roje îşxalkerî eynî warî de hîrê rey bi taktîkê suîkastî ameyî pirodayene, îşxalkerêk birîndar bi û droneyêk hewa de ame pirodayene û îmhakerdene. 4ê teşrîna verêne de çalakîya suîkastî de îşxalkerêk birîndar bi.

Herêma Zapî;

2ê teşrîna verêne de Warê Xoverdayîşî yê Sîda de kepçeyanê ke kerdêne ke mewzîyanê şerî birijnê bi çekanê giranan ame pirodayene û derbkerdene.

Herêma Metîna;

1ê teşrîna verêne de Warê Xoverdayîşî yê Girê Çarçelî de îşxalkerî çar rey pê çekanê giranan ameyî pirdayene. Na Çalakîye de îşxalkerêk ame cezakerdene û îşxalkerêk birîndar bi. Reyna xeymêke ameye îmhakerdene û kamerayêka mobese ameye derbkerdene. 2ê teşrîna verêne de Warê Xoverdayîşî yê Girê Çarçelî de îşxalkerî bi taktîkê suîkastî û çekanê giranan di rey ameyî pirodayene, îşxalkerêk ame cezakerdene.Warê Xoverdayîşî yê Girê Ortê de zî îşxalkerî bi çekanê giranan ameyî derbkerdene.

Hêrişê bi çekanê qedexeyan;

Warê Xoverdayîşî yê Girê Ortê yê Metîna de mewzîyê şerî 2ê teşrîna verêne de 7 rey bi gazanê kîmyewîyan dîyayî bombayan ver. Îşxalkerî bi çekanê ferdîyan ameyî pirodayene û gamêke peyser ancîyayî. 3ê teşrîna verêne de teqaberê qedexeyî ameyî şuxulnayene û roja bîne zî bi droneyan bombayê gazî ameyî eştene.  Warê Xoverdayîşî yê Girê Cûdîyî û Girê Amediyê yê Zapî 3 û 4ê teşrîna verêne de bi droneyanê teqaber barkerdeyan dîyayî bombayan ver.
Bombarduman;

3ê teşrîna verêne de warê Girê Reşîd, Kanîsarkê, Girê Zengilî yê Garê, Herêma Şehîd Delîlî ya Rojhelatê Zapî û warê Enzê yê Qendîl bi teyarayanê şerî dîyayî bombayan ver. Herême Zap û Metîna bi topan dîyayî bombayan ver.”