Rayraşîyayîşê Demokrasîyî yê Vera Darbe ke hetê  HDPyî ra Colamêrg û Edirne ra ame destpêkerdene Wan û Îstanbul de dewam keno.Çarçeweya programê erwoyî de Hemserekê Pêroyî yê HDPyî Mîthat Sancarî ewro Baroyê Wanî zîyaret kerd.

Sancarî bale ante ser ke xeylêk cayan de seba ke rayraşîyayîşê înan bêro astengkerdene ê raştê hêriş ameyî û vat: ''Ma heqê xo yê meşrû şuxulnenê û kayanê provokasyonî ya nêxapîyenê. Xora rîyê pandemî ra ma çalakîye sixletî nêwaştêne. Çîyo muhîm oyo ke ma zerrîya û vengê şarê xo de bêro têhet. No îqtîdar wazeno ke dezgehanê muxalîf û alternîfan bigêro binê kontrolê xo. Mesela nika wazenê baroyan bikerê bêfonksîyon. Îqtîdar wayîrê îradeyê darbekerî yo ma zî vera naye rayra şinê. Demo peyên de bi hemleyanê neweyan yeno waştene ke  binpaykerdişê heqan û bitaybetî zî îşkence bêro normalkerdene ke no çîyêko zaf vahîm o. Îqtîdar seba ke payra bimano binpaykerdişê heqan sey firsatêk şuxulneno. No têna hetê sîyaset û huqûqî ra nê hetê ehleqî ra zî çîyêko zaf xirabin o.''