Hemserekê HDPyî MÎthat Sancarî û Hemsereka DBPyî Salîha Aydenîz çarçewa 'Kampanyaya Pawitişî' de Bedlîs de şarî reyde roniştî û temsîlkaranê dezgehanê sivîlan reyde otêlêke de kombîyayîş kerd.

Aydenîze kombîyayîş de qisey kerd û vat: ''Meseleya bingeyî ya welatî tecrîdê vera Birêz Ocalanî yo. 245 rojî yo grevê vêşanîye yê tepişteyan dewam keno. Ganî ma vera grevî se bikerê û senî cewab bidê waştişanê tepişteyan. Vera destkewteyanê kurdan zî tim hêrişî estê. Ganî ma babetan nîqaş bikerê. zulm û zorbazîye qetî ser nêkewtî û do nêkewê.''

Sancarî zî da zanayene ke hêzê HDPyî esto ke hemsengîyanê sîyasîyan dîyar bikero û vat: ''Ma do têkoşînê xo rê dewam bikerê. Ma hêz, îrade û keda xo şarê xo ra gênê.''

Sancarî û Aydenîze dima goş na temsîlkaranê dezgehan ser û qezaya Norşînî de esnafî zîyaret kerdî.