Sara Tolhildan Goyî (Dîlara Urper) û Rûkene Zelal (Emele Feremez Hisên) ê ke 26ê êlula 2022yî de Mersîn de çalakîya fedayîye de şehîd bibî, Kampa Multecîyan a Şehîd Rûstem Cûdîyî ya Mexmûrî de ameyî yadkerdene.

Merasîm hetê Têgêrayîşê Cinîyan ê Ciwanan û Dezgehê Keyeyanê Şehîdan ra ame kerdene. Merasîm de nameyê Têgêrayîşê Cinîyan ê Ciwanan ser o Kajîne Ozek û nameyê Dezgehê Keyeyanê Şehîdan ser o zî xala Sara Goyî Cemîle Tong qisey kerd. 

Kajîne Ozek pare kerd ke ê do tim rêçê Sara û Rûkene de şorê û vat: ''Ma do tim vîrameyîşanê înan zerrîya xo de bipawê.''

Cemîle Tong îfade kerd ke Sara Tolhildan şehîda pêro Kurdîstanî ya û vat: ''Sereyê ma heta peynî pê şehîdan sereberz bibê.''

Merasîm de derheqê şehîdan de sînevîzyonêk ame mojnayene.

Merasîm bi slogananê ‘Bijî Serok Apo’ , ‘Jin Jiyan Azadî’ qedîya.