Kuçeyê Nacîbe yê Wanî yo ke tede bînaya Rêxistina Partîya Demokratîke ya Şaran (HDP) ya Wanî esta hetê polîsan ra reyna ame girewtene.Wekîlê HDPyî yê Wanî  Murat Sarisaçî û patîyîjan verê banê partîye de eşkerayîye daye.

Sarisaçî bale ante hêrişan vera HDPyî ser û vat: ''Bajar de 572 rojî qedeceyê çalakî û aktîvîteyan esto ke no qedexe  têna vera partîya ma yo. Êyê ke binê nameyê Cemîyetê Rojnamegeranê Golê Wanî de şewîrmendîya qeyûmî kenê, xebatkaranê partîya ma hemşaredaranê ma krîmînalîze kenê, pê xeberanê zûran bîyî sebebê tepitşê hemşaredaranê ma, ameyî tîya eşkerayîye daye. 20 serrî yo AKP welatî îdare keno la dayîkan anê verê berê ma. Ma zanê ke îqtîdar seba ke partîya ma biqefilno nê dayîkan şuxulneno. Xora AKPyî welat açarnayo gola gonî. Birêz Ocalanî veng da vat ''eke dewleta wazena wa bêro  ez do na mesela yew hewte de hal bikerê.'' Muxatab eşkera yo. Eke raşta wazenê wa dayîkî mebermê ma hazir ê çîyo ke destê ma ra bêro ma bikerê. La zanê ke îqtîdaro ke pê şerî payra yo do çirey hêvîya dayîkan nêbo.''