Gerîlayanê HPG û YJA-Starî bi wesîleya serrgêra Komployê 9ê Teşrîna Verêne ANFyî rê qisey kerd û komplo ercna.

Ercnayîşê gerîlayan wina yê:

Rojîne Têkoşer: Ganî dewleta tirke bizana ke Rayber Apo bi fîzîkî tepişte bibo zî hetê îdeolojîk û polîtîkî ra azad o. Ma do sena çinkerdişê komplo û şiknayîşî tecrîdî têkoşînê xo pîl bikerê. Teda do nêeşka xoverdayîş û têkoşînê ma qels bikera. Wa şarê ma bizano ke heta ke Rayber Apo azad nêbo teda do dewam bikera. Coka ganî her kes vera hêrişanê serê Rayberê ma, şarê ma û gerîlayan têbigêro.

Arîne Merwan: Hêzanê hegemonan şexsê Rayberîye de vera şarê ma komplo kerd û waşt ke şarê ma û Rayberîye biqedînê. Vera tecrîdî çalakîyê şarê ma û dostan dewam kenê. Gerîlayî zî seba azadîya Rayber Apoyî têkoşîn kenê. Ma ganî vera tecrîdî têkoşînêkê hemparî bikerê. Nê prosesê hêrişan de ganî ma bi hawayêkê bêmanî xo ver bidê. 

Havîne Arjîn: Ez Komployê 9ê Teşrîna Verêne şermezar kena. Seba şermezakerdişê komployî gerîlayan çalakîyê pîlî kerdî. Embazanê ma zî Anqara de çalakîya fedayîye kerde. Kesê şorişgêr, welatperwer û demokratî ganî seba şiknayîşê komplo û tecrîdî têkoşîn bikerê û Rayber Apoyî azad bikerê. Ma do heta peynî nê bingeyî ser o têkoşîn bikerê. 

Xoşmêr Kotol: Dişmenî seba ke vengê Rayber Apoyî nêşoro şarê ma tecrîd kerdo giranêr. La Rayber Apoyî bi fikr, felsefeya xo pêro dinya dormeyê xo de arde pêser. Heta ke Rayber Apo azad nêbo pêro merkezê dişmenî do hedefê gerîlayan de bibê. Endamanê Tabûtê Bêmergan Rojhat Zîlan û Erdal Şahînî nê bingeyî ser o çalakîya fedayîye kerde. Sey gerîlayan ma do waran de têkoşînî rê dewam bikerê.