Gerîlayê HPGyî Rênas Cûdîyo ke şarê erebî ra yo ANFyî rê qala ci kerde ke çira tewrê gerîlayan bîyo.

Gerîla Rênasî bale ante zulmê rejîmê Baasî yê Sûrîye û cerganê DAÎŞî ser û vat: ''Ez Hesekê ra ya. Mi 2014 de partîye şinasnaye. Ma ser de hem zulmê Baasî hem zî zulmê DAÎŞî est bi. Mi cuya mîyanê partîye dîye û zaf tesîr bîya. Mîyanê PKKyî de koletîye çin a. Ez bi nê tesîrî tewrê gerîlayan bîya. Xora merdim destpêk de koyan de zehmetîyan vîneno la dima bi perwerdeyan heqê nînan ra yeno.''

Rênas Cûdîyî qala barbarîya hêrişanê dewleta tirke kerde û vat: ''Dewleta tirke ya îşxalkere bi çekanê kîmyewîyan û qedexeyan hêrişê gerîlayan kena. La çew verê ney de vengê xo nêkeno. Ma sey gerîlayan bi ruhê xoverdayîşî nê hêrişan şiknenê. Hetê bînî ra ma têkoşînê şarê xo ra hêz û moralî gênê û têkoşînê xo xurtêr kenê.''

Gerîla Rênas Cûdîyî venga ciwanan da û vat: ''Ganî kurdî û erebî serkêşîya ciwanan de, yew bibê û pîya vera zulmî têkoşîn bikerê. Rayber Apoyî vatbi 'Ma bi ciwanan dest pêkerd û ma do bi ciwanan ser bikewê', seba ney zî ez venga pêro ciwanan dana ke hîna zaf partîye bişinasnê û tewrê ci bibê. Bêrê ruh û cuya gerîlayan û partîye bişinasnê.''