Gerîlayanê YJA-Starî ANFyî rê qisey kerd û Komployê 15ê Sibate yê vera Rayberê Şarê Kurdî Abdullah Ocalanî şermezar kerd.

Gerîla Dîrene Sema vat: ''Dewleta tirke bi tecrîdî mojna ke fikranê Rayber Apoyî ra çendek tersena. Rixmê komployî zî dewleta tirke nêeşkaye netîceyêke bigêra. Rayberîye komplo pûç kerd. Rayber Apo sey yew tîje verê ma roşnî keno. Ma do qetî azadîya ey bîyarê ca.''

Gerîla Sema Brûsk vat: ''Şexsê Rayber Apoyî de dişmenî waşt ke kurdan çin bikero. Dewleta tirke bi hêrişanê xo vana qey têkoşînê ma qels bikera. La ma xeta azadîye de têkoşîn kenê. Ma bi hêzê Rayberîye têkoşîn bikerê û Kurdîstanî azad bikerê.''

Gerîla Xwînda Kobanê vat: ''Ma ewro xêrê kedanê Rayber Apoyî ra eşkenê têkoşîn bikerê. Fikrê Rayber Apoyî vilayê pêro dinya bîyî. Ma xeta şehîdanê çemberê adirînî de têkoşîn kenê. Ma sey gerîlayanê YJA-Starî xeta têkoşînê Vîyane Soran de têkoşîn kenê.''

Gerîl Helbeste Rojava vat: ''Rayber Apo hetê fîzîlî ra esîr bibo zî fikrê ey azad ê. Ewro fikrê ey pêro dinya ra vila benê. Erkê ma yo ke ma fikranê Rayberîye vila bikerê û wayîrê înan vejîyê. Azadîya şarê kurdî û azadîya şaranê bindestan bi azadîya Rayber Apoyî mumkîn a.''