Seba ke Başûrê Kurdîstanî de artêşa tirke ya îşxalkere bêra vetene 30ê hezîrane ra nata rayberîya Cinîyan ê Ciwanan ê Têkoşeran (CPT) de kampanyaya îmzaya ameyêne kerdene. Vizêr şan Parka Azadîye ya Silêmanî de bi eşkerayîyêke ame parekerdene ke kampanya qedîyaye. Ame parekerdene ke çarçewa kampanya de 50 hezar îmzayî arê dîyayî.

Nameyê Cinîyan ê Ciwanan ê Têkoşeran (JCT) ser o Bêrîtane Zagros qisey kerd û vat: ''Seba ke artêşa tirke erdê ma ra bêra vetene rixmê Korona û qedexeyê şîyayîşî zî ma 50 hezar îmzayî arê dîyayî. Ma wextê kampanya de xeylêk rastê astengîyan ameyî. Bi taybetî Helebçe û Dukan de. Ma kampanyaya xo roja 'Ganîbîyayîşê Kurdan' de qedînenê û nê 50 hezar îmzayî ma teslîmê Parlamentoya Herêma Kurdîstanî, Encumenê Temsîlkaran ê Iraqî û Neteweyanê Yewbîyayeyan kenê.''

Peynîya eşkerayîye de wina ame vatene: ''Heta ke îşxalê Tirkîya Başûrê Kurdîstanî de bo ma do xebatanê xo dewam bikerê. Ma do her qezaya Başûrê Kurdîstanî de bi sloganê 'Tîya Heftanîn o' xebatanê xo dewam bikerê. Ganî her kes vera îşxalê tirkan dest pê têkoşînî bikero.''