Seba Gulîstane Doku Dêrsim de çalakîye

Platformê Cinîyan ê Dêrsimî derheqê Gulîstane Doku de Jara Gola Çetuyî de eşkerayîye daye û vat: ''Ma nêverdenê ke şima kiştoxan bipawê. Ma do hesab bipawê.''

5ê çeleyê 2020î ra nata wendekara Zanîngehê Munzurî Gulîstane Doku ra xeberêke çin a. Vizêr Platformê Cinîyan ê Dêrsimî roja 1000. ya vînîbîyayîşê Gulîstane de Jara Gola Çetuyî de eşkerayîyêke daye. Eşkerayîye de pankarta 'Gulîstane Doku 1000 rojî yo vînîbîyaye ya' ameye akerdene.

Nameyê platformî ser o Eylule Yantemur eşkerayîye wende. Yantemure îfade kerd ke dosyaya Gulîstane de heta nika têna îfadeyê vergumanî Zaynal Abarakovî ameyo girewtene û vat: ''Dosya de yew averşîyayîş zî çin o. Sozê ke dîyayê nêameyî caardene. Ma do heta peynî aqîbetê Gulîstane pers bikerê. Ma nêverdenê ke şima kiştoxan bipawê. Ma do hesab bipawê.''

Eşkerayîye ra dima cinîyan fotografê Gulîstane Doku û pankarta xo Pirdê Mamekîye de daliqnaye.