Seba hemşaredare Ogrencî qerarê tehlîye
Hemşaredara Qelqelî Dîlane Orencî ya ke aşma kanûne de wezîfeyê ci ame xespkerdene û ameye tepiştene roniştişê ci yê ewro de qerarê tehlîhe ame dayene.
Hemşaredara qezaya Qelqelî ya Wanî Dîlane Orencî ya ke 6ê kanûne de ameye destbendkerdene û herinda ci de qeyûm ame cakerdene 9ê kanûne de bi ''endamîya rêxistine'' û ''propagandaya rêxistine'' ameyebî tepiştene. Ewro Mehkemeya Cezaya Girane ya 7. ya Wanî de roniştişê Orencî ame kerdene.
Heyetê mehkeme cezaya 6 serran û 3 aşman daye û propaganda ra zî qerarê beraatî da. Mehkeme dima ra qerarê tehlîkerdişê Orencî da. Yeno pawetene ke Orencî Zîndano Girewte yê Cinîyan ê Erziromî bêro veradayene.
