Herêma Koyê Cûdîyî ya Şirnexî de viraştişê kalekolan qedîyeno. Hetê bînî ra dormeyê kalekolan de qirkerdişê daran zî dewam keno. Qirkerdişê daran Qilebanî ra heta bajarekê Şenoba nêzdîyê 2 mengan hetê notiran ra yeno kerdene. Notiran heta nika bi taybetî dewanê Gundikê Remo, Gilindor û Nevava de 100 tonî darî qir kerdî.

Nê darî şaristananê bînan rê yenê rotene. Tonê înan nêzdîyê 360 TL yo. Mudirîya Daristanan a Şirnexî zî no qirkerdişî qebul kerd û îfade kerd ke seba kalekolan hende darî ameyî qirkerdene.