Dewa Mamîsî vakurê newala Kersê de ya. Wexto ke rayîrê ma kewt na dewe ma komêka karkeran dîye û nînan ra yewî bala ma ante. Dewa Mamisî de qasê 20-30 keyeyî ciwîyenê. Dewe de încîr, engûr, tû ûsn meyweyî estê. 

Mamîs de dêsê tarîxî estê. Şarê Mamîsî semedo ke tarîxê înan vînî nêbo newe ra dewa xo awan kenê. Nînan  ra yew zî Ednan Manî yo. Ednanî fermanî ra verî verê xo dabi Almanya la dima reyna agêra welatî. Ednan vano: ''Wareyê şarê nêbenê sey ê ma. Ma nêeşkenê tede azad biciwîyê.''

Ednan Manî bajarekê Sinûnî yê Şingalî ra yo la o wazeno dewe de xo rê keyeyêkî virazo.

Ednanî wina qala agêrayîşê xo kerde: ''8 serrî bîyî ma derbazê welatanê teberî bibîy. La ma nêeşkayî uca de bimanê. Wexto ke mi eşnawit Mamîs de erdê ma esto mi keyeyê xo girewt ma ameyî Şingal. Serrêke bîya ez agêraya. Ez nêeşkayêne uca de bimana. Zaf kêfweş a ke ez agêraya. Çunke semedê welatê xo xebitîyena. Ez dewe de daran çînena. Ez pê bawer a ke ma do Mamîsî newe ra awan bikerê.''

Ednan her roje verê xo dano rezan, embazê xo yê qijkekî Xeyrî reyde daran awe dano. Xeyrî her roje babîyê xo rê ardim keno. Xeyrî zî kêfweş o ke ê agêrayê Şingalî.