Seba Sara Kaya bira dewamê 'esîrîye'
Hemşaredara Nisêbinî Sara Kaya ya ke wezîfeyê ci ame xespkerdene û sey esîr yena tepiştene derheqê ci de bira ''dewamê rewşa tepiştişî'' ameye dayene.
Hemşaredara Nisêbînî ya Mêrdînî Sara Kaya 13ê çeleyê 2017î de amebi destbendkerdene, tepiştene û herinda ci de qeyûm amebi wezîfedarkerdene. Roniştişo 15. yê dewaya Sara Kaya Mehkema Cezaya Girane ya 14. a Mêrdînî de ame dîyene. Sara Kaya bi rayîrê SEGBÎSî beşdara mehkeme bîye.
Heyetê mehkeme bire daye ke cezaya tepiştişî ya Sara dewam bikera.
Dima Avûkatê Sara Kaya Kamuran Tanhanî pawitiş kerd û vat: "Ma çarçewa AÎHMyî û AÎHSyî de wazenê ke Sara Kaya bêra veradayene."
Kaya zî vat: "Ez xo sey sucdar nêhesibnena.''
Roniştiş taloqê 6ê adare ame kerdene.
