Ferzende Abîyê 66 serrî seba şehîdanê Xoverdayîşê Rojeyê Mergî yê Pîlî yê 14ê Temmuze yo ke 14ê temmuza 1982î de dest pêkerd deyîrêke nuşte û vate. Abî zî nê xoverdayîşî ra tesîr bi û 1985î ra nata bi hawayêkê aktîfî mîyanê Têkoşînê Azadîye de ca gêno.

39 serrî verî Endamê Komîteya Merkezî ya PKKyî M. hayrî Durmuş, Kemal Pîr, Akîf Yilmaz û Alî Çîçek Rojeyê Mergî yo Pîl dabi destpêkerdene. Bi hêzaran merdimî binê tesîrê nê xoverdayîşî de mendî û tewrê PKKyî bîyî.

Ferzende Abîyo ke babîyê 8 domanan o 12 reyî tepişîya, 230 rojan îşkence de mend. Abî 1996 de 25 roja îşkenceyê 'askiyê Fîlîstînî' de mend û nêweşt kewt. Abî 2017 de seba tedawî şi Ewropa û uca de zî xebatanê têkoşînê azadîye de ca girewt.

Di kênayê Abîyî tewrê PKKyî bîyî. Nînan ra Evîne serra 1995 de şehîd bîye. Kênaya ey a bîne Vîyane 2004î ra nata mîyanê PKKyî de têkoşîn kena.