Seba Yagbasanî xebatê cigêrayîşî dewam kenê
Ramazan Yagbasano ke Cizîre de dekewt awa Gelîya Zîlane 3 rojan ra nata vînbîyaye yo. Xebatê cigêrayîşî yê seba Yagbasanî hema zî dewam kenê.
Nêzdîyê dewa Misurîye ya qezaya Cizîre ya Şirnexî de 3 rojî verê cû Remazan Yagbasan (65) seba ke xo wenik bikero dekewt awa Gelîya Zîlane. La Ramazan Yagbasan a hele ra pey nêame dîyene. Gelîya Zîlane de 3 rojan ra nata seba Yagbasanî xebatê cigêrayîşî yenê kerdene.
Seba ke awe nizm bibe berê Awbendê Ilisuyî zî ame padayene.
