Endamê Komîteya Rayberdişî ya PKKyî Duran Kalkanî qala gerîlayê HPGyî Alî Firatî kerd.

Duran Kalkanî pê nê vatişan qala şehîd Alî Firatî kerd: ''Kesêko zaf bihurtmet bi û zaf erjîyaye amebi  pîlkerdene û perwerdekerdene. Sey hema hema pêro ciwananê Efrînî pê adirê xoverdayîşê gerîlayan bibi pîl û perwerdeyê têkoşînê azadîye yê Kurdîstanî dîyabi ci. Ciwanîya xo de tewrê têkoşînî bi. Demêko kilê herêma xo de mend dima ra nê ci rê qîm nêkerd verê xo da koyanê azadan ê Kurdîstanî. Helanê tewr tengan ê koyan de xebatê zehmetî rayra berdî. Zagros û xeylêk waranê koyanê azadan ê Kurdîstanî de xebate kerde. Merheleyanê cîya cîyayan de şerwanîye kerde. Wezîfeyanê tewr zehmetan waşt ca bîgiro. Ey de qet xo peyserantiş û xo tengkerdiş çînê bi. Şorişgêreko pê heskerdişî dekerde bi. Teber ra zaf narîn esayene la pratîk de xoverdayox bi îradeyê ci xurt bi. Gever û dormeyê ci hem gerîlatîye kerde hem zî karê têkîlîya gerîlayan bi şarî kerde. Şarê Geverî zaf hetan ra perwerde kerd. Her kesî o nas kerdêne û tira zaf heskerdêne. Mîyanê şarî de sey kesêkê durust, jîhat û fedakerî ameyênî naskerdene. Ewladê Efrînî bi şerwano egîd, fermandar û mîlîtano şorişgêr ê Geverî. Semedê şarî çilaya zanîstî bi. Coka dişmenî o sey tehlukeyî dî û komloyî kerdî û hemra Alî pê xîleyan qetil kerd. Şarê Efrîn û Geverî do hemra Alîyî bihurmet yad bikerê û wayîrê vîrê ci vejîyê.