Gerîlayê HPGyî Ferman Memyan (Semîh Kaplan) ê gerîlayan ra yewo ke xoverdayîşê Cengê Heftanînî de vera hêrişê îşxalî yê dewleta tirke derbê giranî dayî îşxalkeran ro û tewrê kerwanê şehîdan bîyî.

Ferman Memyan sey xezala ke xozaya Kurdîstanî de bîya yewe ameyêne naskerdene. Huyayîşê ey de hevî estbî û wexto ke mabênê şerî de zî huyayêne moral û moral dayêne embazanê xo. Coka hetê embazanê xo ra zaf ameyêne heskerdene.

Embazê şehîd Fermanî bi nê vatişan qala ey kenê: ''Embaz Ferman Rayberîye û şehîdan rê giradeye bi. Her hetî ra bi ruhê Rayberîye reng dayêne cuya. Seba ke averşîyayîşî ra heskerdene û no sey wezîfeyêk dîyêne tim xo perwerde kerdêne. Xîretkerdene ke îdeolojîya Rayberîye holêr fehm bikero. Embaz Ferman gerîlayê modernîteyê demokratîkî bi. Şerê şorişgêrî yê şarî de aktîf ca girewt û wezîfeyê xo biserkewtiş ard ca.''

Hela ke ma şehîd Ferman de roportaj kerd derheqê xoverdayîşê Cengê Heftanînî de nê vatîbî: ''Propogandayê medyaya tirke raşt nîyê. Ê Heftanîn de ser nêkewtî, zaf vînîkerdeyê înan estê. Her cayo ke wazenê aver şirê raştê xoverdayîşê tarîxî yê gerîlayan yenê. Wa her kes bizano ke gerîlayan heta nika qet warêk canêverdayo, do cameverdo. Dekewitşê Heftanînî wina rehet nîyo. No warê cenetî yê Kurdîstanî do înan rê cehenem bo.

Leşkerê înan hedefê ma de yê. Yew di cayî fînayî dest la ûca ra zî  gerîlayî peyser nêancîyayî. Gerîlayî herême de tim vera leşkeran çalakîyan kenê. No seba nînan beno ters. Dewleta tirke nêzanayêne ke raştê xoverdayîşê winayênî yena. Sere de rehet bî, paşta ci teknîkê ci ra pêt bî la bado ke gerîlayan ra derbeyî werdî psîkolojîyê înan xeribyaye.''

Şehîd Ferman Memyan wina veng dabi: ''Senî ke gerîla bi qeheremanîya pîle vera dişmenî xover dano, şar zî ganî vera faşîzm vindero û têkoşînê gerîlayan temam bikero. Heme şarê kurdî hedefê îşxlakeran de yê. Bitaybetî zî şarê ma yê Başûrî ganî vera nê îşxalî bêveng memano. Hêrişê her warê Kurdîstanî kenê û sîvîlan qetil kenê. Ma fedaîyê şarî yê ke heme waranê Kurdîstanî de destkewteyanê şarê xo pawenê. Ma do Heftanîn û heme waranê Kurdîstanî de vera dewleta tirke ser bikewê.''

Ferman Memyano ke xoverdayîşê Cengê Heftanînî de rolê serkeşîye kay kerd, semedê pawitişê herra Kurdîstanî vera îşxalkeran bi mertal. Bi pêro hêzê xo tewrê xoverdayîşî bi heta nefesê xo yê peyênî semedê pawitişê herra Kurdîstanî bi ruhêkê fedaîyî têkoşîn kerd.