Endamê Fermandarîya Yewînanê Pawitişê Rojhelatê Kurdîstanî (YRK) Şîyar Şevgerî derheqê rewşa peyêne ya herêma Hewramanî de ANFyî rê qisey kerd. 

Qiseykerdişê Şevgerî ra beşêk wina yo: 

''Rejîmê Îranî herêmanê Hewrama, Kosalan, Şahoyî de şerê taybetî lena. Çunke şarê nê herêman welatperwer o û wayîrê tarîxê qedîmî yo. Rejîmê Îranî semedo ke ciwanan welatperwerîye ra dûrî bivisno madeyanê kundoxî musneno înan û xîret keno ke pêro Rojhelatê Kurdîstanî de kulturî çin bikero. Rejîm keno ke şar muhtacê ci bibo, ci rê ajanîye bikero.

Semedo ke şar waştişanê rejîmî nêano ca her roje kolberî kişîyenê. Dewleta Îranî pê hucreyanê nimiteyan mîyanê şarî de ajanîye vila kena. 

 Lê belê tê zanîn ku ti carî gelê Kurd li hember jiyana azad bê bawer û bê hêvî nakeve û têkoşîna xwe gav bi gav bilindtir dike û seba xerakerdişê yewîya kurdan dafikan nana ro. Armanc no yo ke komel erjanê xo ra dûrî bibo. Îşxalê Îranî her mekan û zemanî de vera cinîyan tacîz û tecawuzan aver beno, serra qije de zewaj ferz keno, qirkerdişê cinîyan normalîze keno.

Rejîmê Îranî bi taybetî hêrişê keyeyanê şehîdan û welatperweran keno, nê kesan erzeno zîndanî, yan zî darde keno û bi nimitkî defin keno. Rejîm şarî rê antîpropagandaya YRKyî keno û bi taybetî rejîmê Îranî wazeno Hewraman çin bikero. Coka vera kultur, ziwan, nasname û bawerîya şarî hêrişê pîlî estê. Semedo ke Hewraman herêmêka stratejîk a vera ci hêrişê pîlî yenê kerdene.''