Şewe dewleta tirke Mexmûr, Şingal û Herêmanê Pawitişî yê Medya ser o bombayî varnaybî.  La hema zî Hukmatê Başûrî, Îdareyê Hewlêrî, Koalîsyono Mîyanneteweyî û mesuldarê kampe Neteweyê Yewbîyayeyî vera hêrişan bêveng ê.

Şingal de hema zî têgêrayîşê teyarayanê keşfî û şewatî dewam kenê.

Hetê bînî ra emşo saete 17:00 de Şingal de vera hêrişan verê Meclîsê Şarî yê Sinûnî de rayraşîyayîşêk do bêro kerdene. Yeno pawitene ke rayraşîyayîş de eşkerayîyêke zî do bêra kerdene.

Mexmûr de zî teyarayê keşfî nizmî ra perenê. Goreyê herêma saete 11:00 ra nata înternetê herême zî birîya.

Yeno pawitene ke roniştoxê kampe ver bi Temsîlarîya Neteweyan ê Yewbîyayeyan şorê. Rayraşîyayîşî ra dima zî eşkerayîye do bêra kerdene.