Ma gêrayîşê xo yê koyanê azadan de rastê hîkayeyêka bîne ameyî. Hîkayeya ma pê vengê gerîlayêkê kelhorî dest pêkena. Qedînayîşê 'hore' ra dima gerîla Leşker xo dano şinasnayene û hîkayeya tewrbîyayîşê xo ano ziwan:

''Nameyê mi Leşker Yarsan o. Ez Kirmaşan de dadîya xo ra bîya ke tede vera şarê ma zaf zulm yeno kerdene. Rojhelatê Kurdîstanî de ma zaf zulm û zorbazîye dîyî. Nê zulm û zorbazîye kerd ke ma dest pê cigêrayîşêkî bikerê. Peynî de ma fikr û îdeolojîya Rayber Apoyî şinasnayî. Wexto ke ma o nas kerd ma tewrê gerîlayan bîyî. Tecrîdo ke vera Rayber Apoyî yeno kerdene aslê xo de vera pêro kurdan yeno kerdene. Ganî ma vera nê tecrîdî bêveng nêmanê û tewrê gerîlayan bibê. Rayber Apoyî şarê kurdî çar parçeyanê Kurdîstanî de bi taybetî Rojhelatê Mîyanênî de kerd ganî.

Tecrîd têna pê tewrbîyayîşê gerîlayan yeno şiknayene. Bêrê fikr û îdeolojîyê Rayber Apoyî bişinasnê. Ez şarê Kurdîstanî ra bi taybetî şarê Rojhelatî ra wazena ke tewrê gerîlayan bibo. ''