Dîwanê Hemserekîye yê KONGRA-GELî bi wesîleya serrgêra Hemleya 15ê Tebaxe eşkerayîyêka nuştekîye daye. Eşkerayîye wina ya:

''Serrgêra 37. ya Roşanê Gandarbîyayîşî yê Rayber Apoyî, keyeyanê şehîdan, şaranê Kurdîstanî, embazanê zîndanan û embazanê têkoşînî fîraz bo. Ma şexsê Fermandar Egîdî de pêro şehîdan bi minet û rêzdarî yad kenê.

Hemleya 15ê Tebaxe seba kurdan bîye mîladêk. Rayber Apoyî pê Hemleya 15ê Tebaxe tarîxê qirkerdişî û qedero sîya yê kurdan vurna. Hemleya 15ê Tebaxe bîye roşan û demokrasîya Neteweyîya Kurdan. Pê na hemle gerîlayî bîyî hêvîya azadîye ya kurdan.

Dewleta tirke ya îşxalkere pê pêro hêzanê xo wazena xoverdayîşê gerîlayan bişikna. La gerîlayan Heftanîn, Garê, Metîna, Zap, Avaşîn, Xakurkê, Zagros, Botan, Serhed û Dersim de konseptê şerî yê dewlete pûç kerd. Gerîlayî û şar pîya serra 38. de sîstemê nîjadperestî yê dewleta tirke do çin bikerê.

Sey şaranê Kurdîstanî ma pê xoverdayîşêkê yewbîyayeî eşkenê dewleta nîjadpereste bivisnê binî la nê prosesî de PDK şerê Metîna-Zap-avaşînî de beno hemkarê Tirkîya û gerîlayan rê zî beno asteng. No nêno qebulkerdene. Na rewşe seba pêro şarê ma tehluke yo. Ganî pêro partîyê sîyasî, rêxistinê modernî, roşnvîr, hunermend û medyay kurdan cade seferber bibê û verê nê tehlukeyî bigêrê.

Ma xoverdayîşê gerîlayan bi taybetî xoverdayîşê Zap, Metîna û Avaşînî selam kenê. Nê wextî de ke têkoşînê warê komelkî do pîlêr bibo warê şar û gerîlayan do yewbînan temam bikero. Pê na hêvî û bawerîye ma hê kewenê serra 38. ya Hemleya 15ê Tebaxe.

Ma nê esasî ser o reyna Serrgêra 37. ya Roşanê Gandarbîyayîşî yê Rayber Apoyî, keyeyanê şehîdan, şaranê Kurdîstanî, embazanê zîndanan û gerîlayan fîraz kenê.''