Muxabîrê ANFyî Seyîd Evrano ke Rojawan de netîceya krîzê qelbî e dinaya xo bedilnaye, vizêr paytextê Belçîka Bruksel de hetê kedkaranê çapemenîye ra bi merasîmêkî ame yadkerdene.  

Merasîmo ke xeylêk rojnamegerî tewrê ci bîyî, Hemserekê KONGRA-GELî Remzî Kartal zî tewrê ci bi. Salonê yadkerdişî de fotografê Rayberê Şarê Kurdî Abdullah Ocalanî û beyraqa PKKyî ameyî daliqnayene. Merasîmî bi rêzgirewtişî û marşê Ey Raqipî dest pêkerd.

Verî derheqê têkoşînê Seyîd Evranî de sînevîzyon ame seyrkerdene. Dima ra embazanê Seyîd Evranî ra rojnameger Huseyîn Dagî derheqê têkoşînê Evranî yê ciwanîya ci  tewrbîyayîşê ci yê Têgêrayîşê azadîye qisey kerd. 

Hemserekê KONGRA-GELî Remzî Kartalî vat: "Seyîd Evranî serranê 90yan de dest pê têkoşînî kerd û heta ewro têkoşîn kerd. Bi qelem û kameraya xo çar leteyanê Kurdîstanî ra gêra. Bi qelemê xo heqîqet ard ziwan. Bi xo vano tay wextan her çî qelem bi, ge ge zî her çî tifing bi. Mîyanê ma ra rew vejîya. Semedê têkoşînê welat û şarê xo, seba ke çîyê ke nînê zanayene vejo werte, qala tarîxê PKK, Rayber Apo û gerîlayan bikero emerê xo da. Ma ganî nê ruhî bidê ciwîyayene."

Badê qiseykerdişê Kartalî rojnamegerê ke Evranî nas kenê, qala ey û têkoşînê ci kerde.